"Милан" "Барселона" юлдуз ҳужумчисининг трансфери масаласида унинг агенти билан боғланди.

Журналист Лука Коэннинг маълум қилишича, "россонерилар" спорт директори Игли Таре Роберт Левандовскининг вакили Пини Захави билан суҳбатлашиб, 37 ёшли польшалик ҳужумчи билан шартнома имзолаш имкониятини ўрганган.

Қайд этилишича, "Милан" раҳбарияти айни дамда Левандовскининг "Барселона"даги келажаги билан боғлиқ вазият ҳақида кўпроқ маълумот олишга ҳаракат қилмоқда. Гап фақат маълумот сўраш ҳақида кетмоқда, ҳозирча жиддий ҳеч нарса йўқ.

Эслатиб ўтамиз, тажрибали ҳужумчининг "Барса" билан амалдаги шартномаси 2026 йилнинг июнь ойи охиригача мўлжалланган ва унинг келишувида ҳамкорликни яна бир йилга узайтириш мумкинлиги ҳақида банд бор.