"Ливерпуль" ҳужумчиси Муҳаммад Салоҳ Чемпионлар лигасида "Галатасарой"га қарши кечган ўйин ҳақида фикр билдирди.
Чемпионлар лигаси умумий босқичининг 2-туридан ўрин олган Туркияда кечган учрашув мерсисайдликларнинг 0:1 ҳисобидаги мағлубияти билан якунланди.
"Умримда ҳеч қачон бундай муҳитда ўйнамаганман. Концентрацияни сақлаш жуда қийин эди. Шовқин қулоқни тешиб юборадиган даражада кучли эди ва биз уни енга олмадик. "Галатасарой"ни табриклайман," - деди Салоҳ ўйиндан сўнг.
Чемпионлар лигасининг навбатдаги турида "Ливерпуль" сафарда "Айнтрахт"га қарши баҳс олиб боради. Жамоалар ўртасидаги учрашув 22 октябрь куни бўлиб ўтади.
