"Барселона"нинг 17 ёшли истеъдодли ярим ҳимоячисига Европанинг гранд клублари қизиқиш билдирмоқда.
TBR Football нашри манбаларининг маълум қилишича, "Арсенал", "Челси", "Манчестер Сити", "Тоттенхэм" ва "Пари Сен-Жермен" клублари вакиллари Дро Фернандеснинг ўсишини диққат билан кузатиб бормоқда ва уни келаси ёзда ўз сафига қўшиб олишга ҳаракат қилмоқда, бироқ футболчи хориждан бўлаётган таклифларга қарамай, "Барса"да қолишга интилмоқда.
Куни кеча Ла Лиганинг 7-туридан ўрин олган "Реал Сосьедад"га (2:1) қарши ўйинда Дро катталар жамоасида дебют қилди. Унинг "Барселона" билан амалдаги шартномаси 2027 йилнинг июнь ойи охиригача амал қилади ва клуб раҳбарияти уни узайтириш устида ишламоқда.
