"Барселона" ва ярим ҳимоячи Френки де Йонг бир неча ҳафта давом этган музокаралардан сўнг шартномани узайтириш бўйича келишувга эришди. Бу ҳақда Испаниянинг Sport нашри ўз саҳифаларида маълум қилди.
Де Йонг 2029 йил ўрталарига қадар мўлжалланган янги меҳнат шартномасини келишиб олди. Қайд этилишича, яқинда футболчи томон Френки музокаралар жараёнини тезлаштириш истагини билдирган ва бу клуб томонидан ижобий қабул қилинган. Шундан сўнг томонлар тезда келишиб олишди.
Қолган расмиятчиликлар яқин кунларда ҳал қилинади. 28 ёшли де Йонг билан шартномани узайтириш ҳақида "Барселона" тез орада, узоғи билан бир ҳафта ичида расман эълон қилади.
