Лондоннинг "Арсенал" клуби афсонавий собиқ форварди Тьерри Анри жамоанинг жорий мавсумдаги муваффақиятига ишонмоқда.
Чоршанба куни Микель Артета жамоаси Чемпионлар лигасида "Олимпиакос"ни мағлуб этди (2:0), бироз аввал эса Премьер-лигада "Ньюкасл" устидан ғалабани илиб кетганди (2:1).
"Менимча, узоқ мавсум учун захира ўриндиғи катта аҳамиятга эга. Айнан шунинг учун ҳам "Арсенал"да жорий мавсумда соврин ютиш учун яхши имконият бор деб ўйлайман. Захирадан майдонга тушган футболчилар ўйинни ўзгартиришга қодир," - деди Анри CBS Sports студиясида.
"Канонирлар" АПЛ турнир жадвалида "Ливерпуль"дан 2 очко ортда қолиб, 2-ўринда бормоқда. Чемпионлар лигасида лондонликлар икки турдан сўнг 6 очко тўплади.
