"Ньюкасл" ҳимоячиси Валентино Ливраменто тизза боғламларидан олган жароҳати туфайли 6-8 ҳафтани ўтказиб юборади, дея хабар бермоқда Sky Sports.
Манбага кўра, 22 ёшли инглизнинг пайлари узилгани аниқланмаган, аммо жароҳат барибир жиддий деб баҳоланмоқда. У АПЛнинг 6-туридан ўрин олган "Арсенал"га (1:2) қарши ўйинда жароҳат олиб, 77-дақиқада захирага олинганди.
2025/26 йилги мавсумда барча мусобақаларда 8 та ўйинда Ливраменто 1 та голли узатмани амалга оширди. Унинг шартномаси 2028 йилнинг 30 июнига қадар амал қилади.
