Англия терма жамоаси бош мураббийи Томас Тухель Англия терма жамоасининг октябрь ойидаги қайдномасидан ташқарида қолган юлдуз футболчилар билан можаролар борлигини рад этмоқда. Гап Жуд Беллингем, Фил Фоден ва Жек Грилиш ҳақида.
"Мен билан Беллингем ўртасида муаммолар борми? Йўқ. Шунингдек, Фил Фоден ва Жек Грилиш билан ҳам муаммоларим йўқ. Фил яна "Манчестер Сити"да ўйинлар тақдирини ҳал қилишни бошлади, Жек эса ўзининг энг яхши версиясига қайтишга яқин. Шахсий муаммолар йўқ. Ўтган йиғинни жуда юқори савияда ўтказдик, шунинг учун худди шу футболчиларни чақиришга қарор қилдик. Йўқларнинг барчаси терма жамоага қайтиши мумкин," - деди Тухель матбуот анжуманида.
Октябрь ойида Англия терма жамоаси Уэльсга қарши ўртоқлик ўйини ва Латвияга қарши саралаш баҳсини ўтказади.
