Яқинда "Брентфорд"дан учралган мағлубият "Манчестер Юнайтед"да Рубен Аморим учун "бурилиш нуқта" бўлиши мумкин.
"Қизил иблислар" ўтган шанба куни "асаларилар"га ютқазиб қўйишганди (1:3), шундан сўнг португалиялик мураббийнинг истеъфога чиқарилиши ҳақидаги миш-мишлар ҳар томондан тарқала бошлади. Журналист Крис Уилернинг ёзишича, ўшандан бери жамоадаги кайфият сезиларли даражада ўзгарган: ўша куни баъзи футболчилар Аморимга ишонмай қўйган ва унинг вазиятни ўнглай олишига шубҳа қила бошлаган.
Шанба куни "Манчестер Юнайтед" Премьер-лига 7-тури доирасида ўз майдонида "Сандерленд"га қарши баҳс олиб боради. Тахминларга кўра, манкунианликлар раҳбарияти яқин орада мураббийни истеъфога чиқармайди, аммо натижалар яхшиланмаса, бироз кейинроқ истеъфога қарор қилиши мумкин.
