Yaqinda "Brentford"dan uchralgan mag‘lubiyat "Manchester Yunayted"da Ruben Amorim uchun "burilish nuqta" bo‘lishi mumkin.
"Qizil iblislar" o‘tgan shanba kuni "asalarilar"ga yutqazib qo‘yishgandi (1:3), shundan so‘ng portugaliyalik murabbiyning iste’foga chiqarilishi haqidagi mish-mishlar har tomondan tarqala boshladi. Jurnalist Kris Uilerning yozishicha, o‘shandan beri jamoadagi kayfiyat sezilarli darajada o‘zgargan: o‘sha kuni ba’zi futbolchilar Amorimga ishonmay qo‘ygan va uning vaziyatni o‘nglay olishiga shubha qila boshlagan.
Shanba kuni "Manchester Yunayted" Premyer-liga 7-turi doirasida o‘z maydonida "Sanderlend"ga qarshi bahs olib boradi. Taxminlarga ko‘ra, mankunianliklar rahbariyati yaqin orada murabbiyni iste’foga chiqarmaydi, ammo natijalar yaxshilanmasa, biroz keyinroq iste’foga qaror qilishi mumkin.
