"Манчестер Юнайтед"нинг собиқ ҳимоячиси Гари Невилл клубдаги мураббий Рубен Аморим фаолияти билан боғлиқ вазиятдан хавотир билдирди.
Невиллнинг сўзларига кўра, ҳимоячиларнинг тез-тез ротация қилиниши ва жамоанинг беқарор ўйини уни жиддий хавотирга солмоқда. Собиқ футболчининг таъкидлашича, у мураббий ишининг мураккаблигини тушунади ва одатда ишдан бўшатиш масаласига изоҳ бермайди, аммо жамоа натижалари яхшиланмаса, "МЮ" раҳбарияти тез орада ўзгаришларга интилиши мумкинлигини тан олади.
- У ҳар бир ўйинда ҳимоячиларни алмаштиради. Ўйинни ҳам, натижаларни ҳам қабул қилиб бўлмайди. Шунинг учун мен жуда хавотирдаман," - дея собиқ футболчининг сўзларини келтиради Sky Sports.
