Бразилиялик вингер Савио "Манчестер Сити" билан меҳнат шартномасини узайтирди. Янги келишув 2031 йил ёзигача мўлжалланган. Бу ҳақда клуб ўз манбаларида ёзмоқда.
Савиньо 2024 йилда инглиз жамоасига ўтган ва шу вақт ичида "шаҳарликлар" сафида 48 та ўйинда майдонга тушиб, ўз ҳисобига учта гол ва 13 та голли узатмани ёздириб қўйган.
"Манчестер Сити" Англия чемпионатининг жорий мавсумида олтита учрашув ўтказиб, учтасида ғалаба қозонган ва иккитасида мағлубиятга учраган, биттасида дуранг қайд этилган. Клуб 10 очко билан АПЛ жадвалида еттинчи ўринда бормоқда.
"Шаҳарликлар" кейинги турда "Брентфорд" меҳмони бўлади ва учрашув 5 октябрь куни бўлиб ўтади.
