"ПСЖ" марказий ярим ҳимоячиси Уоррен Заир-Эмерига бирданига иккита инглиз клуби қизиқиш билдирмоқда. Бу ҳақда Caught Offside хабар бермоқда.
Манбага кўра, франциялик футболчи Лондоннинг "Арсенал" ва "Манчестер Сити" клублари қизиқишлари доирасига тушган. Ҳар икки клуб ҳам қишки трансферлар вақтида хавбекни ўз сафига қўшиб олишга уриниб кўриши мумкин. Битимнинг тахминий суммаси - 80 млн евро.
Аввалроқ, Заир-Эмери асосий таркибдаги ўрнини йўқотган бўлса-да, Париж клубида қолишни истаётгани ҳақида хабарлар тарқалган эди.













