"Лацио" клуби қанот ҳужумчиси Маттиа Дзакканьи номаълум муддатга сафдан чиқди. Тегишли маълумотлар Рим клуби сайтида пайдо бўлди.
"Лацио" сардори мушакларида нохушлик сезди. Жамоанинг тиббий штаби жароҳатнинг табиатини тушуниш ва тикланиш муддатларини айтиш учун Дзакканьи тўлиқ текширувдан ўтказади. Футболчи А Серия 4 октябрь куни бўлиб ўтадиган "Торино"га қарши ўйинда майдонга тушмаслиги аниқ.
Италиялик вингер 2022 йилдан бери "Лацио" шарафини ҳимоя қилмоқда. У жорий мавсум Рим клуби сафида бешта ўйинда майдонга тушиб, ўз ҳисобига иккита гол ёздириб қўйди.
"Лацио" Италия чемпионати турнир жадвалида 5 турдан сўнг 6 очко билан 13-ўринда бормоқда.
