"Қизил иблислар" сардорининг Саудия Про-лигаси клубларидан бирига ўтиши ҳақидаги воқеалар яқин трансферлар ойнасида ҳам давом этадиган кўринади.
"Манчестер Юнайтед" ўзининг асосий футболчиси, 31 ёшли португалиялик Бруно Фернандешни сақлаб қолишни хоҳлаётган бўлса-да, 2026 йил январида Яқин Шарқнинг бир нечта клуби ярим ҳимоячига унинг трансфери учун яхши молиявий шартларни таклиф қилишга тайёр.
Эслатиб ўтамиз, ўтган ёзда футболчи "Ал-Ҳилол"га ўтишга яқин эди, бироқ сўнгги дақиқаларда футболчининг оиласи Англиядан кетишни хоҳламади. Шунингдек, Португалия терма жамоасидаги шериги Криштиану Роналду ҳам Брунога "Ан-Наср"га ўтишни таклиф қилганди.
Фернандеш бу мавсумда барча турнирлар доирасида 7 та ўйинда иштирок этиб, 2 та гол урди. Transfermarkt сайти маълумотларига кўра, унинг нархи 50 миллион еврони ташкил этади. "Манчестер Юнайтед" билан тузилган шартнома 2027 йилнинг 30 июнига қадар амал қилади.
