"Qizil iblislar" sardorining Saudiya Pro-ligasi klublaridan biriga o‘tishi haqidagi voqealar yaqin transferlar oynasida ham davom etadigan ko‘rinadi.
"Manchester Yunayted" o‘zining asosiy futbolchisi, 31 yoshli portugaliyalik Bruno Fernandeshni saqlab qolishni xohlayotgan bo‘lsa-da, 2026 yil yanvarida Yaqin Sharqning bir nechta klubi yarim himoyachiga uning transferi uchun yaxshi moliyaviy shartlarni taklif qilishga tayyor.
Eslatib o‘tamiz, o‘tgan yozda futbolchi "Al-Hilol"ga o‘tishga yaqin edi, biroq so‘nggi daqiqalarda futbolchining oilasi Angliyadan ketishni xohlamadi. Shuningdek, Portugaliya terma jamoasidagi sherigi Krishtianu Ronaldu ham Brunoga "An-Nasr"ga o‘tishni taklif qilgandi.
Fernandesh bu mavsumda barcha turnirlar doirasida 7 ta o‘yinda ishtirok etib, 2 ta gol urdi. Transfermarkt sayti ma’lumotlariga ko‘ra, uning narxi 50 million yevroni tashkil etadi. "Manchester Yunayted" bilan tuzilgan shartnoma 2027 yilning 30 iyuniga qadar amal qiladi.
