"АЗ Алкмаар" марказий ярим ҳимоячиси Кес Смит "Кристал Пэлас" эътиборига тушди. Бу ҳақда MailSport хабар берди.
Катта клублар орасида анчадан бери юқори баҳоланиб келаётган нидерландиялик хавбекка "бургутлар" қизиқиш билдираётгани айтилмоқда. Ўтган мавсум бошидан буён Смитни "Реал", "Барселона", "Манчестер Юнайтед" ва бошқа жамоалар скаутлари кузатиб бормоқда.
Жорий мавсумда 19 ёшли Смит барча мусобақаларда 12та ўйинда майдонга тушиб, 1та гол урган ва 3та голга ҳаммуаллифлик қилган.
Футболчининг клуб билан шартномаси 2028 йилгача мўлжалланган. Transfermarkt маълумотига кўра, ярим ҳимоячининг бозор нархи ўн миллион еврони ташкил этади.
