Иккинчи лигада иштирок этаётган «Нефтчи-3» жамоаси бир ғалаба ва бир дурангга эришди. Бу ҳақда клуб расмий сайти хабар тарқатди.

Ноил Губанов ва Павел Павлов бошқараётган жамоа аввалига «СЛС» жамоасига қарши майдонга тушди. Ушбу ўйинда жанговор дуранг қайд этилди. Энг қизиғи, «Нефтчи-3» биринчи таймдан сўнг, 5:0 ҳисобида олдинда бораётганди. Иккинчи бўлимда етакчи футблчилар алмаштириб юборилгач, ўйин 5:5 ҳисобида интиҳо топди.

Иккинчи турда вакилларимиз «Тошлоқ» жамоасига қарши майдонга тушишди. Ўйинда катта устунликка эга бўлган «Нефтчи-3» ғалаба қозонди – 3:1.

Навбатдаги ўйин эртага Фарғонанинг «Динамо» жамоасига қарши бўлиб ўтади.