Якшанба куни "Барселона" Ла Лига доирасида "Севилья"га йирик ҳисобда мағлуб бўлди (1:4).
Учрашув бошида мезбонлар пенальти ишлаб олишди ва бу Каталония гранди марказий ҳимоячиси Рональд Араухонинг ғазабини қўзғатди. Нуқтадан берилган зарбани Алексис Санчес голга айлантирди. Танаффусга келиб таблода ҳисоб 2:1 эди ва уругвайлик футболчи кийиниш хонасига кетаётиб, яна ҳиссиётларини жиловлай олмади: "Улар ҳар доим бизга қарши! Доим бизга қарши," - дея футболчининг сўзларини келтиради Movistar.
Маълумот учун, Араухо танаффусда Эрик Гарсияга алмаштирилди, аммо "кўк-анорранглилар"га бу ёрдам бермади: иккинчи бўлимда "Севилья" жавобсиз иккита гол урди ва йирик ҳисобда ғалаба қозонди.
