"Наполи" бош мураббийи Антонио Конте ўз жамоаси таркибидан унчалик ҳам мамнун эмас.
Кеча А Серия доирасида "Женоа"га қарши кечган баҳсда (2:1) неаполликлар 57 ва 75-дақиқаларда Андре-Франк Замбо-Ангисса ҳамда Расмус Хёйлунднинг голлари эвазига иродали ғалабани илиб кетишди.
"Биз номаълум йўлдан кетяпмиз. Мавсум жуда қийин бўлади ва мен буни такрорлашдан чарчамайман. Ҳозир биз Чемпионлар Лигасида ўйнаяпмиз, ваҳоланки, чемпионлик мавсумида бизда фақат чемпионат бор эди. Менда бундай масалаларни ечишга мос келадиган таркиб йўқ. Биз тўққизта янги ўйинчини таклиф қилдик - уларга мослашиш учун вақт керак. Уларнинг кўпчилиги ҳали тайёр бўлмаслиги мумкин," - деди Конте.
