Арне Слот "Челси"га қарши ўйинда жамоаси фойдасига белгиланмаган пенальти ҳақида фикр билдирди.
“Ливерпуль” АПЛнинг 7-турида лондонликларга имкониятни бой берди (1:2).
73-дақиқада Александр Исак ва Рис Жеймс "Челси" жарима майдончаси ичида тўп учун курашни бошлади ва Жеймс қўполлик ишлатди. Бош ҳакам Энтони Тэйлор воқеага ҳеч қандай муносабат билдирмади.
"Бу ҳафта Чемпионлар лигасида бундай вазиятлар учун пенальти белгиланган бўларди. Премьер-лигада стандартлар бошқача", - деди "Ливерпуль" бош мураббийи.













