"Барселона" кетма-кет иккита мағлубиятга учради - "ПСЖ" (1:2) ва "Севилья" (1:4). Ёмон натижаларга қарамай, Ханс-Дитер Фликнинг "кўк-анорранглилар" мураббийлик позициясидаги ўрни заррача ҳам ўзгармади. Бу ҳақда душанба куни Испаниянинг Sport нашри саҳифаларида чоп этилган материалда айтилади.
Манбага кўра, "Барселона" босслари кетма-кет икки мағлубиятни инқирозли вазият деб ҳисобламайди. "Севилья"га қарши ўйиндан қайтишда Каталония клуби президенти Жоан Лапорта Флик билан суҳбатлашди. Президент мураббийни тўлиқ қўллаб-қувватлаб, вазият тез орада ўнгланишига ишонч билдирди.
Фликнинг тан олишича, жамоа сўнгги ўйинларда жиддий индивидуал ва жамоавий хатоларга йўл қўйган. Немис прессинг ва ҳимоядаги муаммоларни аниқлади ва улар устида ишлайди. Шу билан бирга Флик оптимизмни сақлаб қолади. Унга жамоанинг "ПСЖ"га қарши ўйини ва "Севилья"га қарши ўйиннинг иккинчи бўлимидаги реакцияси ёқди.
"Барселона" навбатдаги ўйинини 18 октябрь куни ўз майдонида "Жирона"га қарши ўтказади.
