"Barselona" ketma-ket ikkita mag‘lubiyatga uchradi - "PSJ" (1:2) va "Sevilya" (1:4). Yomon natijalarga qaramay, Xans-Diter Flikning "ko‘k-anorranglilar" murabbiylik pozisiyasidagi o‘rni zarracha ham o‘zgarmadi. Bu haqda dushanba kuni Ispaniyaning Sport nashri sahifalarida chop etilgan materialda aytiladi.

Manbaga ko‘ra, "Barselona" bosslari ketma-ket ikki mag‘lubiyatni inqirozli vaziyat deb hisoblamaydi. "Sevilya"ga qarshi o‘yindan qaytishda Kataloniya klubi prezidenti Joan Laporta Flik bilan suhbatlashdi. Prezident murabbiyni to‘liq qo‘llab-quvvatlab, vaziyat tez orada o‘nglanishiga ishonch bildirdi.

Flikning tan olishicha, jamoa so‘nggi o‘yinlarda jiddiy individual va jamoaviy xatolarga yo‘l qo‘ygan. Nemis pressing va himoyadagi muammolarni aniqladi va ular ustida ishlaydi. Shu bilan birga Flik optimizmni saqlab qoladi. Unga jamoaning "PSJ"ga qarshi o‘yini va "Sevilya"ga qarshi o‘yinning ikkinchi bo‘limidagi reaksiyasi yoqdi.

"Barselona" navbatdagi o‘yinini 18 oktyabr kuni o‘z maydonida "Jirona"ga qarshi o‘tkazadi.