Франция терма жамоаси бош мураббийи Дидье Дешам “Реал” ҳужумчиси Килиан Мбаппенинг соғлиғи ҳақида маълумот берди. Бу ҳақда у Жаҳон чемпионати–2026 саралаш босқичининг 3-туридаги Франция — Озарбайжон учрашуви олдидан айтиб ўтди.

“Мен у билан гаплашдим. У шу ерда — кичик муаммоси бор, лекин бу уни йиғинга келишдан тўсмайди. Биз тиббий штаб билан вазиятни баҳолаймиз ва кейин унинг аҳволини кузатамиз”.

Маълумот учун, Килиан Мбаппе шанба куни бўлиб ўтган “Реал” — “Вильярреал” (3:1) учрашувида оёғидан жароҳат олган эди. 26 ёшли ҳужумчи гол урганидан сўнг қисқа вақт ичида майдонни тарк этиб, дарҳол кийиниш хонасига йўл олган.