"Барселона" спорт директори Деку таркибни кучайтириш устида ишламоқда. CaughtOffside нашрининг агентлик соҳасига яқин манбаларга таяниб хабар беришича, Деку "Манчестер Сити" ярим ҳимоячиси Бернарду Силванинг вакиллари билан алоқада бўлиб турибди. Декунинг фикрича, португалиялик футболчи Ханс-Дитер Фликнинг ўйин тизимига жуда мос келади.

Бернарду Силванинг амалдаги шартномаси 2025/2026 йилги мавсум охиригача мўлжалланган. Келгуси ёзда португалияликни текинга қўлга киритиш мумкин бўлади. Шу билан бирга, агар "Манчестер Сити" пул ишлашни истаса, Бернардуни қишда арзон нархга сотиб олиш мумкин бўлади.

31 ёшли Силвага "Ювентус" ҳам қизиқиш билдирмоқда. Бундан ташқари, португалияликка Саудия Арабистонининг "Ан-Наср", "Ал-Аҳли" ва "Ал-Қодисия" клублари ҳам йирик таклиф билан чиқишга тайёр.