"Борнмут" клуби қанот ҳужумчиси Антуан Семеньога Лондоннинг "Челси" клуби қизиқиш билдирмоқда. Бу ҳақда Fichajes хабар берди.
Манбага кўра, "кўклар" АПЛ янги мавсумини жуда кучли бошлаган 25 ёшли вингерни ўз сафига қўшиб олмоқчи. Таъкидланишича, пойтахтликлар Семеньони сотиб олиш учун 92 миллион евро ажратишга тайёр.
Англия Премьер-лигасининг бу йилги мавсумида Семеньо 7 та учрашувда 6 та гол урди ва 3 та голли узатмани ўз ҳисобига ёздириб қўйди.
Қўшимча қиламизки, футболчининг "Борнмут" билан амалдаги меҳнат шартномаси 2030 йилнинг ярмигача мўлжалланган.
