"Кристал Пэлас" марказий ҳимоячиси Марк Гехи "Реал"нинг шорт-листидан жой олган. Бу ҳақда журналист Флориан Плеттенберг хабар бермоқда.
Манбага кўра, "қаймоқранглилар" келаси ёзда "бургутлар" билан шартномаси якунланадиган 25 ёшли футболчига қизиқиш билдирмоқда. Бироқ, "Реал"га Гехи билан шартнома имзолаш осон бўлмайди, чунки клуб "Ливерпуль", "Бавария" ва "Барселона" билан рақобатда ғалаба қозонишига тўғри келади.
Жорий мавсумда Гехи барча мусобақаларни инобатга олган ҳолда 12 та ўйинда майдонга тушиб, битта гол ва битта ассистни ўз ҳисобига ёздириб қўйди.
