Мадриднинг "Реал" клуби ва Германия терма жамоаси собиқ ярим ҳимоячиси Тони Кроос "Барселона"нинг ўйин услуби ҳақида фикр билдирди.
"Барcелона" Европадаги энг жозибали ўйин услубларидан бирига эга, ҳаттоки энг жозибалисига, деб айтиш мумкин. Аммо, менимча, улар жуда катта таваккалга боришади. Агар Педри, Ламин ёки Рафинья ёмон ўйин ўтказса, исталган жамоа уларга зарар етказа олади ва мағлуб этади.
Бу ўтган мавсумда "Интер"га қарши содир бўлган эди, ва бу мавсумда ҳам — 1/8 финалда, 1/4, ярим финал ёки ҳатто финалда — улар шундай жамоага дуч келишади ва чиқиб кетишади. Бу Чемпионлар Лигасида содир бўлади, лекин Ла Лиганинг ўзида эмас, чунки у ерда улар жуда устун", - деди Кроос.
