“Metaratings.ru” нашрининг хабар беришича, «Барселона»нинг собиқ бош мураббийи Хави Москванинг «Спартак» клубини бошқариш имкониятидан воз кечган.

Маълумотларга кўра, 45 ёшли испаниялик мутахассис билан «Спартак» алоқа ўрнатган, аммо у Россияда ишлаш вариантини қабул қилмаган.

Манбага кўра, “қизил-оқлар”нинг спорт директори Франсис Кахигао аввал “Лукойл” масъул ходимлари билан бош мураббий масаласини муҳокама қилган. Аммо Деян Станковичнинг ўрнига тайёр номзод мавжуд эмаслиги сабабли бу масала клуб кенгаши билан келишилмаган.

Аввалроқ маълум бўлишича, душанба куни бўлиб ўтган “Спартак” директорлар кенгаши йиғилишида Станковични жамоа бош мураббийи лавозимида қолдириш ҳақида қарор қабул қилинган. Москва жамоаси Россия Премьер-лигасининг 11 та туридан кейин 18 очко тўплаб, турнир жадвалида 6-ўринни эгаллаб турибди. “Спартак” етакчи ЦСКАдан 6 очкога орқада.