"ПСЖ"нинг собиқ ярим ҳимоячиси Рафинья Алькантара Франция клубида Лионель Месси, Неймар ва Килиан Мбаппе билан бирга ўйнаган даври ҳақида фикр билдирди.
Унинг айтишича, мавсумолди тайёргарлик пайтидаёқ юлдузлар таркиби жамоага муваффақият келтирмаслиги аён бўлган.
"Ҳужумда: Ди Мария, Мбаппе, Неймар ва Месси. Захирага кимни оласиз? Ди Марияни, унинг жамоадаги мавқеи туфайли, аммо у ҳам захирада ўтириши мумкин бўлмаган ўйинчи. Бу тизим ишламаслиги аниқ эди", - дея футболчининг сўзларини келтиради Foot Mercato.
U яна қўшимча қилишича, Жанлуижи Доннарумма ва Кейлор Навас ўртасида дарвозабон позицияси учун, шунингдек, Серхио Рамос, Маркиньос ва Кимпембе тўпланган ҳимоя чизиғида ҳам қизғин курашлар бўлиб ўтган.
Рафиньянинг ўзи 2020-2022 йиллар оралиғида парижликлар сафида 39 та ўйинда иштирок этиб, еттита голли узатмани амалга оширган.
