Мадриднинг "Реал" клуби ва Испания терма жамоасининг собиқ футболчиси, ҳозирда Мексикада тўп тепаётган Серхио Рамос ҳамюрти Жорди Альбанинг футболчилик фаолиятини якунлаш ҳақидаги қарорига муносабат билдирди.
"Биз биргаликда кўплаб лаҳзаларни бошдан кечирдик. Терма жамоа билан катта ғалабалар бўлди. Сен футболни дунёдаги буюк чап қанот ҳимоячиси сифатида тарк этасан. Сени соғиниб қоламиз. Сенинг ўйинингни доим эслаб юраман. Қучоқлаб қоламан, ука," - дейилади ҳимоячининг ижтимоий тармоқдаги саҳифасида.
Альба ҳозирда Американинг "Интер Майами" клубида ўйнайди. Испаниялик футболчи жорий мавсум якунида бутсаларини михга илади.
