"Ливерпуль"нинг собиқ сардори Стивен Жеррард "Энфилд" стадионидаги ҳайкалга лойиқмисиз, деган саволга жавоб берди.
"Ливерпуль"нинг муҳаббатини ҳис қилиш учун менга ҳайкал керак эмас. Шундоқ ҳам етиб ортади. Фаолиятимни якунлаганимдан бери клубнинг менга бўлган ҳурмати ва муҳаббати янада кучайди," - деди Жеррард Рио Фердинанд подкастида.
Стивен Жеррард 1989 йилда "Ливерпуль" академиясига қабул қилинган. У клуб шарафини 2015 йилнинг ёзигача ҳимоя қилган, шундан сўнг у футболчилик фаолиятининг сўнгги бир неча йилини "Лос-Анжелес Гэлакси"да ўтказган.
Айни пайтда Жеррард ишсиз. Январь ойида у "Ал Иттифоқ"ни тарк этганди.
