"Ал-Иттиҳод" яқинда Лоран Блан билан хайрлашди ва энди янги бош мураббий номини эълон қилди. Кутилганидек, Жидда жамоасини Сержиу Консейсау қабул қилиб олди. Португалиялик мутахассис "Милан"ни тарк этганидан сўнг ёздан бери ишисиз эди. Консейсау "россонерилар" бошқарувида бор-йўғи ярим йил ўтказди.
Аввалроқ матбуотда Консейсаунинг "Ал-Иттиҳод" билан шартномаси 2027 йилнинг ярмигача мўлжаллангани ҳақида хабар берилганди.
"Ал-Иттиҳод" ҳозирда Саудия Арабистони Про-лигаси турнир жадвалида учинчи ўринда бормоқда. Жидда жамоасида 9 очко бор. Ундан юқорида "Ал-Қодисия" (10 очко) ва "Ан-Наср" (12 очко) бормоқда.
