Миланнинг "Интер" клуби марказий ярим ҳимоячиси Генрих Мхитарян жамоадоши Пио Эспозито ҳақида фикр билдирди. 20 ёшли футболчи ҳужумчи позициясида ҳаракат қилади.
"У 20 ёшда, катта салоҳиятга эга, аммо унга вақт керак. Биз умидларни ошириб юбормаслигимиз керак, акс ҳолда уни бузиб қўямиз. Ҳар ким ўз йўлидан бориши керак," - дея Мхитаряннинг сўзларини келтиради Gazzetta dello Sport.
Жамоанинг энг тажрибали ўйинчиларидан бири сифатида Мхитарян ёш ҳужумчиларга доимо маслаҳатлар беришга тайёр.
Эспозито жорий мавсум клуб миқёсида 6 та ўйинда майдонга тушиб, 1 та гол урди.
