Войцех Шесни Марк-Андре тер Штегеннинг "Барселона"даги ҳолати ҳақида гапирди.
Каталонияликлар дарвозабони ўтган мавсумнинг катта қисмини жароҳат туфайли ўтказиб юборди ва ўтган ёзда яна бир бел операциясини бошдан кечирди. Бу мавсумда ёзда харид қилинган Жоан Гарсия асосий дарвозабон бўлиши маълум бўлди. Шесни иккинчи рақам ролини бажаради.
"Менимча, бу ёқимли ҳолат эмас. "Ювентус" билан ҳам худди шундай вазиятда эдим ва футболчилик фаолиятимни якунлашга қарор қилдим. Мен буни Маркга маслаҳат бермайман, чунки у футболга ҳали кўп нарса бериши мумкин, лекин менимча, баъзида бу ишда баъзи қарорлар оғриқли бўлиши мумкинлигини тан олишга тўғри келади.
Клуб Жоанни ўз сафига қўшиб олишга қарор қилди ва кейинги 15 йил давомида "Барса"да ўйнаши мумкин бўлган жаҳон даражасидаги футболчини сотиб олиш имкониятига эга бўлди. Бу уни хафа қилса керак, чунки у кўп йиллар давомида жуда муҳим ўйинчи бўлган, лекин Марк жуда ақлли йигит ва менимча, у буни тушунади. Бу қарор нафақат клубнинг бугуни, балки келажагига ҳам тегишли.
Биз бу ёзда кўп гаплашдик, ўйлайманки, у тушунади. Ҳозир унинг учун энг муҳими - формага қайтиш, чунки у ўтган йилни ўтказиб юборди. Ҳозир у эски жароҳатини даволамоқда, шунинг учун, ишончим комилки, у тузалиб кетгач, футболга янада катта ҳисса қўша олади", - деди Шесни.
