Voysex Shesni Mark-Andre ter Shtegenning "Barselona"dagi holati haqida gapirdi.

Kataloniyaliklar darvozaboni o‘tgan mavsumning katta qismini jarohat tufayli o‘tkazib yubordi va o‘tgan yozda yana bir bel operasiyasini boshdan kechirdi. Bu mavsumda yozda xarid qilingan Joan Garsiya asosiy darvozabon bo‘lishi ma’lum bo‘ldi. Shesni ikkinchi raqam rolini bajaradi.

"Menimcha, bu yoqimli holat emas. "Yuventus" bilan ham xuddi shunday vaziyatda edim va futbolchilik faoliyatimni yakunlashga qaror qildim. Men buni Markga maslahat bermayman, chunki u futbolga hali ko‘p narsa berishi mumkin, lekin menimcha, ba’zida bu ishda ba’zi qarorlar og‘riqli bo‘lishi mumkinligini tan olishga to‘g‘ri keladi.

Klub Joanni o‘z safiga qo‘shib olishga qaror qildi va keyingi 15 yil davomida "Barsa"da o‘ynashi mumkin bo‘lgan jahon darajasidagi futbolchini sotib olish imkoniyatiga ega bo‘ldi. Bu uni xafa qilsa kerak, chunki u ko‘p yillar davomida juda muhim o‘yinchi bo‘lgan, lekin Mark juda aqlli yigit va menimcha, u buni tushunadi. Bu qaror nafaqat klubning buguni, balki kelajagiga ham tegishli.

Biz bu yozda ko‘p gaplashdik, o‘ylaymanki, u tushunadi. Hozir uning uchun eng muhimi - formaga qaytish, chunki u o‘tgan yilni o‘tkazib yubordi. Hozir u eski jarohatini davolamoqda, shuning uchun, ishonchim komilki, u tuzalib ketgach, futbolga yanada katta hissa qo‘sha oladi", - dedi Shesni.