Халқаро футбол ассоциациялари федерацияси (ФИФА) 2034 йилда Саудия Арабистонида ўтказилиши режалаштирилган Жаҳон чемпионатини 2035 йил январь ойига кўчириши мумкин. Бу қарор 2034 йил ноябрь–декабрь ойларига тўғри келадиган муқаддас Рамазон ойи билан боғлиқ, деб хабар бермоқда The Athletic.
Манба маълумотларига кўра, чемпионатни ёзда ўтказишнинг иложи йўқ, чунки Саудия Арабистонида бу вақтда ҳаво ҳарорати +52°C гача кўтарилади.
Шундай қилиб, ЖЧ–2034 қишда ўтказиладиган иккинчи мусобақа ва тарихда илк бор тоқ йилда ташкил этиладиган жаҳон чемпионати бўлади. Биринчи “қишки” жаҳон чемпионати 2022 йили Қатарда бўлиб ўтган эди.













