"Леванте" ҳужумчиси Этта Эйонг "Манчестер Юнайтед" эътиборига тушиб қолди.
"Қизил иблислар" скаутлари Ла Лига стартида асосий кашфиётлардан бирига айланган 21 ёшли камерунлик футболчининг ўйинларини биринчи марта кузатаётгани йўқ. Бу ҳақда журналист Бен Жейкобс хабар бермоқда. Машҳур Transfermarkt портали экспертлари истиқболли форварднинг нархини 20 млн еврога баҳоламоқда.
"Леванте"нинг янги юлдузига "Барселона" ҳам қизиқаётган эди. Эйонг жорий мавсумда саккизта баҳсда бешта гол урди ва учта голли узатмани амалга оширди.
Сентябрь ойи бошигача футболчи "Вильярреал"да ўйнаган. Трансфер "Леванте"га 3 млн еврога тушган.













