"Бавария" вингери Серж Гнабри клубдаги келажаги ҳақидаги саволга жавоб берди. 30 ёшли футболчининг Бундеслига гранди билан амалдаги меҳнат шартномаси келаси йилнинг июнь ойи охирида ўз ниҳоясига етади. Келгуси ҳамкорлик бўйича музокаралар ҳали олиб борилмаяпти.
"Клуб раҳбариятининг ўзи менга мурожаат қилиши керак. Кўрамиз, шундай бўлармикин. Ҳозир фақат ўз ўйинимга эътибор қаратяпман, кейин эса кўрамиз" - дея 2017 йилдан буён "Бавария" шарафини ҳимоя қилиб келаётган Гнабри сўзларини келтиради журналист Фабрицио Романо.
Германиялик футболчи жорий мавсумда Венсан Компани жамоаси сафида ўнта баҳсда учта гол ва тўртта ассистни ўз ҳисобига ёздириб қўйди.
