"Bavariya" vingeri Serj Gnabri klubdagi kelajagi haqidagi savolga javob berdi. 30 yoshli futbolchining Bundesliga grandi bilan amaldagi mehnat shartnomasi kelasi yilning iyun oyi oxirida o‘z nihoyasiga yetadi. Kelgusi hamkorlik bo‘yicha muzokaralar hali olib borilmayapti.
"Klub rahbariyatining o‘zi menga murojaat qilishi kerak. Ko‘ramiz, shunday bo‘larmikin. Hozir faqat o‘z o‘yinimga e’tibor qaratyapman, keyin esa ko‘ramiz" - deya 2017 yildan buyon "Bavariya" sharafini himoya qilib kelayotgan Gnabri so‘zlarini keltiradi jurnalist Fabrisio Romano.
Germaniyalik futbolchi joriy mavsumda Vensan Kompani jamoasi safida o‘nta bahsda uchta gol va to‘rtta assistni o‘z hisobiga yozdirib qo‘ydi.













