"Барселона"дан ижарага олинган "Монако" вингери Ансу Фати жорий мавсумни ажойиб тарзда бошлади. 22 ёшли футболчи тўртта ўйинда беш марта рақиблар дарвозасини ишғол қилган. Transfer News Live’нинг Fichajes нашрига таяниб хабар беришича, испанияликнинг Франциядаги муваффақиятларини Мадриднинг "Атлетико" клуби кузатиб бормоқда. "Матрасчилар" футболчини 2026 йилда сотиб олиш имкониятини кўриб чиқмоқда.
Ансу Фатининг "Барселона" билан шартномаси 2028 йилгача мўлжалланган. "Монако" "кўк-анорранглилар" тарбияланувчисини биринчи навбатда сотиб олиш ҳуқуқига эга - бундай имконият ижара шартномасида кўрсатилган.
