"Челси" "Барселона" ярим ҳимоячиси Фермин Лопесни сотиб олиш фикридан қайтгани йўқ.
"Кўклар" ўтган трансфер ойнаси ёпилишидан олдин 22 ёшли футболчини ўз томонига оғдириб олишга уринган, аммо муваффақиятсизликка учраган - испаниялик кетишни истамаган, каталонияликлар ҳам ҳужумкор ярим ҳимоячини қўйиб юборишни истамаган. Шунга қарамай, Фермин "Челси" эътиборидан қолмаяпти, дея хабар бермоқда журналист Фабрицио Романо. Лондонликлар раҳбарияти футболчини кейинги йилларда ҳам кузатиб боради ва имкон бўлса, уни ўз сафига қўшиб олишга ҳаракат қилади.
Лопеснинг Transfermarkt сайтидаги тахминий нархи - 60 млн евро. Олимпия чемпионининг "Барселона" билан шартномаси 2029 йилгача мўлжалланган.
