"Кристал Пэлас" таянч ярим ҳимоячиси Адам Уортон Европанинг етакчи клублари қизиқишлари доирасида.
Daily Mail Sport хабарига кўра, 21 ёшли футболчи хизматига Англиянинг "Ливерпуль", "Челси", "Арсенал", "Манчестер Сити" ва "Манчестер Юнайтед" клублари қизиқиш билдирмоқда. Премьер-лига клубларига Мадриднинг "Реал" клуби рақиблик қилади.
Жорий мавсумда Уортон барча мусобақаларда ўнта учрашувда иштирок этди ва ўз ҳисобига битта ассист ёздириб қўйди.













