"Манчестер Юнайтед" сардори Бруно Фернандеш Рубен Аморим тизимидаги ўрнидан норозилиги ҳақидаги миш-мишларни рад этди.
Сўнгги пайтларда португалиялик юлдуз одатдагидек ҳужумкор ярим ҳимоядан кўра таянч ролида тез-тез ўйнамоқда.
Матбуотда футболчининг норозилиги ҳақидаги хабарлар пайдо бўлди. "Мен футбол ўйнашни яхши кўраман ва позиция унчалик муҳим эмас.
Мени қанотга, ҳатто дарвозага ҳам қўйиш мумкин эди - мен ҳар доим боримни бераман. Ҳар кимнинг ўз хоҳиши бор, лекин биз мураббийнинг ғояларига мослашишимиз керак", - деди футболчи.
