"Интер Майами"нинг чап қанот ҳимоячиси Жорди Альба яқинда фаолиятини якунлашини эълон қилди.
36 ёшли испаниялик футболчи йил охирида бутсаларини михга осиб қўяди. Ўзининг яқинлашиб келаётган нафақаси ҳақида гапирар экан, у жамоадоши Лионель Мессини тилга олди.
"Тарихдаги энг яхши футболчи билан ўйнаганимдан жуда хурсандман. Месси ва мен доим аъло даражада эдик.
Мен унга кўп голли узатма бердим, аммо деярли барча голларим унинг ёрдами билан урилди. Буларнинг барчасидан фахрланаман", - дея "Барселона"нинг собиқ ҳимоячисининг сўзларини келтиради Barca Universal.
