"Манчестер Юнайтед"нинг португалиялик ярим ҳимоячиси Бруну Фернандеш Европанинг бошқа клубига ўтиши мумкин, дея хабар бермоқда Teamtalk журналистлари.
31 ёшли юлдуз хавбек хизматига Мюнхеннинг "Бавария" клуби қизиқиш билдирмоқда. Немис гранди раҳбарияти манкунианликларга таклиф билан чиқишни режалаштирмоқда. Ўз навбатида, инглизлар португалияликни 46 миллион еврога баҳоламоқда.
Бруну "Манчестер Юнайтед" билан 2027 йилнинг ярмигача шартнома мажбуриятлари билан боғланган. 2025/2026 йилги мавсумда ярим ҳимоячи саккизта ўйинда қатнашиб, иккита гол урди.













