Бельгия терма жамоаси устози Руди Гарсия ЖЧ-2026 саралашидан ўрин олган Шимолий Македонияга қарши ўйинда очко йўқотганидан сўнг, ўз фикрларини билдириб ўтди. Учрашув 0:0 ҳисобидаги дуранг билан якунланди.
"Биз максимал даражада ҳаракат қилдик ва ғалаба қозонишни хоҳладик. Бельгия ўйинни ўз назоратида ушлаб турди. Ажойиб прессинг қилдик, тўпга эгалик қилдик ва гол ўтказиб юбормадик. Бироқ гол уриш керак эди, бу бизга етишмади. Якуний ҳисоб майдондаги ҳолатни акс эттирмайди," - дея мутахассиснинг сўзларини келтиради УEФА матбуот хизмати.
Бельгия 11 очко билан саралаш гуруҳида иккинчи ўринни эгаллаб турибди. Шимолий Македония (12) етакчилик қилмоқда.
