Belgiya terma jamoasi ustozi Rudi Garsiya JCH-2026 saralashidan o‘rin olgan Shimoliy Makedoniyaga qarshi o‘yinda ochko yo‘qotganidan so‘ng, o‘z fikrlarini bildirib o‘tdi. Uchrashuv 0:0 hisobidagi durang bilan yakunlandi.
"Biz maksimal darajada harakat qildik va g‘alaba qozonishni xohladik. Belgiya o‘yinni o‘z nazoratida ushlab turdi. Ajoyib pressing qildik, to‘pga egalik qildik va gol o‘tkazib yubormadik. Biroq gol urish kerak edi, bu bizga yetishmadi. Yakuniy hisob maydondagi holatni aks ettirmaydi," - deya mutaxassisning so‘zlarini keltiradi UEFA matbuot xizmati.
Belgiya 11 ochko bilan saralash guruhida ikkinchi o‘rinni egallab turibdi. Shimoliy Makedoniya (12) yetakchilik qilmoqda.













