"Манчестер Сити" ҳужумчиси Эрлинг Холанд Норвегия - Исроил (5:0) ўйинида хет-трик қайд этди.

25 ёшли футболчи учрашувнинг 27, 63 ва 72-дақиқаларида рақиб дарвозасини ишғол қилди. Бу Холанднинг терма жамоа учун битта ўйинда уч ёки ундан ортиқ гол уришга муваффақ бўлган олтинчи ҳолат. Opta маълумотларига кўра, Эрлинг буни 21-аср бошидан бери Норвегия терма жамоасининг бошқа барча ўйинчиларидан кўра кўпроқ қилган (беш марта).

Холанд Норвегия терма жамоаси сафида 46 та ўйинда жами 51 та гол урган. Ҳужумчининг дебюти 2019 йилнинг кузида бўлиб ўтганди.

14 октябрь куни норвегияликлар Янги Зеландия билан ўртоқлик ўйини ўтказади.