Каталониянинг "Барселона" клуби ва Франция терма жамоаси собиқ футболчиси Самуэль Юмтити футболчилик фаолиятини якунлаганидан кейинги режалари ҳақида гапирди.
"Мен ҳар доим футбол мураббийи бўлиш ҳақида ўйлардим. Мураббийликка ўқимоқчиман. Ўқийман, ахир профессионал футболчи бўлиш бошқа, мураббий бўлиш умуман бошқа. Умид қиламанки, бир неча йилдан кейин қандайдир жамоани бошқараман," - дея французнинг сўзларини келтиради TF1.
Эслатиб ўтамиз, ўтган ой ўрталарида Самуэль 31 ёшида профессионал фаолиятини якунлаганини эълон қилганди.
