Испания терма жамоаси ва Лондоннинг "Арсенал" клуби футболчиси Мартин Субименди ўзи клуб танлови ҳақида фикр билдирди. Футболчи "канонирлар" сафига ёзда келиб қўшилганди.

26 ёшли футболчи "Ливерпуль"га ўтишдан бош тортганидан 12 ой ўтиб, 5 йиллик шартномага рози бўлди. 2024 йилда "қизиллар" Субимендининг товон пули бандини фаоллаштиришга тайёр эди, аммо трансфер барибир амалга ошмади. Ўшанда футболчи ҳали "Реал Сосьедад"ни тарк этиш вақти эмас, деб ҳисоблаганди.

"Мен "Арсенал"ни кузатардим ва кўрганларимнинг барчаси менга ёқарди - иштиёқ, уни кузатиш пайтидаги ҳиссиётлар нуқтаи назаридан. Микель Артета менга қўнғироқ қилганида... Агар сиз у билан суҳбатлашган бўлсангиз, у жуда ишончли бўлиши мумкинлигини биласиз. Унинг таклифи мен учун энг яхшиси бўлди," - дея Субимендининг сўзларини келтиради The Mirror.

Жорий мавсумда Субименди клуб миқёсида 9 та ўйинда 2 та гол урди.